Tuesday, August 14, 2012

Tamang Diet Para Sumigla Ang Buhok (HAIR TIPS)


Lalo sa mga babae, ang pagkakaroon ng maganda,makintab at malusog na buhok ang pangarap ng nakararami sa kanila. Kaya’t madalas silang makita sa parlor o salon upang alagaan ito. Hindi kasi ganoon kadali ang pagkakaroon ng masiglang buhok. Ito ay nangangailangan ng sapat na atensyon at maiging pangangalaga.


Ito naman ang mga simple ngunit akmang diet para sumigla ang iyong buhok. Sapagkat kung nais mong magkaroon ng long and shiny hair, dapat lamang na tama ang iyong diyeta.

Kung ikaw ay mayroon ng healthy diet tulad ng pagkain ng masusustansyang prutas at gulay pati na rin pag-inom ng maraming tubig ay ipagpatuloy mo lamang ito. Makabubuti ito sa buhok lalo’t sa mabilis na pagtubo nito. Kung ganito ang iyong dyeta ay di mo na kailangan ng karagdagan pang bitamina. Maigi ang mga fibrous food tulad ng salad at prutas. Umiwas sa paghigop ng mga sabaw o soup pati na rin sa paginom ng mga juice.

Ang balanseng dyeta ay may kasamang protina, bitamina, mineral, carbohydrates at fats. Mawala ang isa sa mga ito ay malaking epekto na sa pagkasira ng buhok. Kapag kulang ka sa protina, makikita mong dumadami na ang iyong uban. Kung kulang ka naman sa Vitamin A ay makikita mong nagiging tuyot at magaspang ang buhok. Kung wala ang Vitamin C ay maaaring bumagal ang pagtubo ng iyong buhok. Ang Vitamin B naman ay nakapagpapakintab sa ating buhok at nagpapanatili sa tamang bigat nito.

Kaya’t siguraduhin mong lahat ng nutrisyon na ito ay kinokonsumo ng iyong katawan.

Pwede mong sundin ang ilang salad recipe na ito para sa ikagaganda ng iyong buhok:

Seasonal Fruit Salad. Ito ay pakwan, matamis na melon, papaya, pomegranate, pinya, saging, at cherries.Hiwain sa maliliit ang mga ito, lagyan ng black salt at kainin ng malamig.

Beetroot Potato Salad. Sangkap naman nito ay hiniwang beetroot, pipino, nilagang patatas, cottage cheese, at kamatis. Hiwain ng maliliit at ihalo sa ginayat na repolyo. Lagyan ng fresh na lemon juice, asin at paminta.
Source: tips4me.com

0 comments:

Post a Comment

ShareThis